Pacolli në mbështetje të Xhakës, premton se do të paguaj gjobën nëse dënohet nga FIFA

Ish-presidenti i Kosovës, Behgjet Pacolli, ka thënë se do ti paguaj dënimin Granit Xhakës, nëse FIFA, vendon ta denojë atë.

”Nëse emri Jashari shqetëson FIFA-n apo botën dhe Granit Xhaka dënohet se ka mbajtur pas ndeshjes këtë emër të shenjtë, atë gjobë do ta paguaj personalisht unë, në emër të popullit shqiptar. Këtë ia kam njoftuar sot personalisht edhe Granitit. Tani ecim tutje dhe u urojmë atyre fat të vazhdueshëm kundër Portugalisë”, ka shkruar Pacolli, transmeton IndeksOnline.

Xhaka pas fitore kundër Serbisë në Kupën e Botës, kishte veshur fanellen e futbollistit tjetër kosovar Ardon Jashari, i cili luan te Zvicëra.

Është ngritur dyshime se Xhaka e veshi fanellën për arsye politike, por futbollisti llapjan e ka mohuar atë duke thënë se ishte dedikim për Ardonin.

“Jo, nuk kishte asgjë politike brenda kësaj. Ishte një referim dhe dedikim për Ardonin, i cili është një i ri që po rritet shpejt, e të cilin e këshilloj shumë dhe që meriton shumë respekt për atë që është duke e bërë”, deklaroi Xhaka./IndeksOnline/