Shtëpia e këngëtarit shqiptar përfshihet nga uji, shkak vërshimet

Shtëpia e këngëtarit shqiptar dhe ish-banor i “Big Brother VIP Albania”, Mevlan Shaba, është përfshirë nga uji si pasojë e reshjeve të mëdha të shiut që kanë prekur disa zona të Shqipërisë, shkruan Raporto24.

Ka qenë vetë Mevlani ai që ka ndarë me ndjekësit pamje shqetësuese në rrjetet sociale, ku shihet shtëpia e tij e përmbytur nga uji.

Pamjet kanë ngjallur reagime të shumta dhe shqetësim nga fansat, të cilët i kanë shprehur mbështetje artistit.

Reshjet intensive kanë shkaktuar probleme të shumta në disa qytete të vendit, ndërsa rasti i Mevlan Shabës është një nga dëshmitë e situatës së rënduar të krijuar nga moti i keq.