Ndërron jetë në moshë të re zyrtarja e QKUK-së

Ka ndërruar jetë në moshë të re Mevlude Nesushta, zyrtare administrative në Qendrën Klinike Universitare të Kosovës (QKUK).

Lajmi është bërë i ditur nga QKUK, e cila ka shprehur pikëllim të thellë për humbjen e saj, duke theksuar se ndarja nga jeta e Mevludes është humbje e madhe për familjen, kolegët dhe të gjithë ata që e njohën.

Ajo do të kujtohet për përkushtimin në punë, korrektësinë dhe sjelljen shembullore ndaj kolegëve dhe pacientëve.

Në këtë kohë të dhimbshme, QKUK u ka shprehur ngushëllimet më të sinqerta familjarëve, miqve dhe kolegëve, duke iu dëshiruar forcë për ta përballuar humbjen.