Suspendohen dy policë që keqpërdorën pozitën zyrtare

Policia e Kosovës ka suspenduar dy zyrtarë policorë nën dyshimet për keqpërdorim të detyrës zyrtare.

IndeksOnline mëson se të suspenduarit janë një rreshter nga njësia NJRSH e DRP-Prizren dhe një rreshter nga stacioni policor në Prizren.

Suspendimi i tyre ka ndodhur të mërkurën, pasi të njëjtit dyshohen se kanë keqpërdorur detyrën zyrtare.

IndeksOnline është në pritje të një përgjigjeje zyrtare nga Policia e Kosovës lidhur me veprat konkrete për të cilat po dyshohen dy policët e suspenduar./IndeksOnline/