Rinumërohen 1,500 nga 2,557 vendvotime në QNR; procesi përmbyllet në 22 komuna

Në Qendrën e Numërimit dhe Rezultateve po vazhdon numërimi i fletëvotimeve sipas listës së vendvotimeve për të cilat Komisioni Qendror i Zgjedhjeve (KQZ) ka marrë vendim për rinumërim.

Sipas të dhënave të deritanishme, nga fillimi i procesit të rinumërimit (e martë, 13 janar 2026, ora 18:00) dhe deri më tani, janë rinumëruar mbi 58% e vendvotimeve, përkatësisht 1,500 nga 2,557 vendvotime.

Ndërkohë, procesi i rinumërimit është përmbyllur plotësisht në 22 komuna.

KQZ bën të ditur se rinumërimi po realizohet në përputhje me vendimet e marra dhe procedurat e përcaktuara, ndërsa QNR po vazhdon punën për përfundimin e plotë të këtij procesi për të gjitha vendvotimet e mbetura.