Aksident tragjik në Gjermani, humbin jetën burrë e grua

Një aksident i rëndë rrugor ka ndodhur pranë qytetit Karlsruhe në landin Baden Württemberg, ku një çift bashkëshortësh ka humbur jetën.

Sipas policisë gjermane, një veturë ka kaluar në korsinë e kundërt dhe është përplasur ballë për ballë me një automjet tjetër.

Si pasojë e përplasjes, burri dhe gruaja që ndodheshin në njërin automjet kanë ndërruar jetë në vendin e ngjarjes.

Në veturën tjetër udhëtonin dy persona të cilët kanë pësuar lëndime të rënda dhe janë dërguar me urgjencë në spital.

Rruga është mbyllur për disa orë, ndërsa autoritetet po hetojnë shkaqet e aksidentit.

Burimi: Bild.de.