5 të plagosur në Gjermani

Një ngjarje e rëndë ka ndodhur në Berlin, ku pesë persona kanë mbetur të plagosur si pasojë e një akti të dhunshëm me armë zjarri.

Sipas mediave gjermane, të shtënat kanë ndodhur brenda një banese në zonën Tiergarten të kryeqytetit gjerman.

Burime zyrtare bëjnë të ditur se dy nga të plagosurit janë në gjendje të rëndë shëndetësore dhe po trajtohen në spital.

Ekipet e urgjencës dhe policia kanë reaguar menjëherë, duke rrethuar zonën dhe duke transportuar të plagosurit për trajtim mjekësor.

Autoritetet kanë nisur hetimet për zbardhjen e plotë të rrethanave të ngjarjes, ndërsa nuk janë dhënë ende detaje për motivet.

Burimi: Bild.de.