Këta janë deputetët që rritën votat pas rinumërimit në Podujevë

Procesi i rinumërimit të votave në komunën e Podujevës po sjell edhe ndryshime pozitive për disa kandidatë për deputetë nga Lëvizja Vetëvendosje.

Sipas të dhënave deri tani nga rinumërimi, Driton Hyseni ka shënuar rritje prej +75 votash, duke u bërë një nga deputetët me përfitimin më të madh nga ky proces.

Po ashtu, Mefail Bajqinovci ka regjistruar rritje prej +32 votash, ndërkohë që edhe Salih Zyba ka përfituar +28 vota pas rinumërimit të një pjese të konsiderueshme të votave.

Rinumërimi në Podujevë ende po vazhdon dhe, me përfundimin e tij, pritet të qartësohet plotësisht ndikimi përfundimtar i këtij procesi në rezultatet zgjedhore dhe renditjen e kandidatëve.