Bekim Haxhiu dorëzon dy ankesa në PZAP
Ish-deputeti i Partisë Demokratike të Kosovës, Bekim Haxhiu ka dorëzuar dy ankesa zyrtare në Panelin Zgjedhor për Ankesa dhe Parashtresa lidhur me rezultatet përfundimtare të shpallura nga Komisioni Qendror i Zgjedhjeve më 31 janar 2026.
Sipas tij ankesat lidhen me:
1.Përfshirjen e 23,323 pakove të fletëvotimeve me postë nga votimi jashtë Kosovës, të pranuara pas afatit ligjor, në kundërshtim me Ligjin për Zgjedhjet e Përgjithshme;
2.Llogaritjen e gabuar të rezultatit përfundimtar, i cila ka ndikuar në ndarjen e mandateve dhe renditjen e kandidatëve, në zgjedhjet e jashtëzakonshme të mbajtura me 28.12.2025.
Përmes një postimi në Facebook, Haxhiu ka theksuar se afatet zgjedhore dhe barazia e votës nuk janë thjesht rekomandime, por garantojnë besueshmërinë e procesit zgjedhor.
“Asnjë vendim administrativ i KQZ, nuk mund të ndryshojë ligjin dhe Kushtetutën. Nuk kërkoj privilegj. Kërkoj vetëm zbatim të barabartë të ligjit dhe Kushtetutës. Mbrojtja e votës së ligjshme është mbrojtje e demokracisë”, shkroi Haxhiu
