Podujevë: Emërohet drejtoresha për Buxhet dhe Financa
Kryetari i Komunës, Shpejtim Bulliqi, ka emëruar Arbnorë Uka-Osmani në pozitën e drejtoreshës së Drejtorisë për Buxhet dhe Financa.
Uka-Osmani ka përfunduar studimet në Fakultetin Ekonomik, në drejtimin Banka, Financa dhe Kontabilitet, duke ndërtuar një bazë të fuqishme profesionale në fushën e financave.
Ajo posedon mbi 16 vjet përvojë në sektorin bankar, ku ka ushtruar funksione të rëndësishme si analiste për individë, analiste për biznese si dhe menaxhere për marrëdhënie me biznese.
Me rastin e emërimit, kryetari Bulliqi i ka uruar drejtoreshës së re suksese dhe punë të mbarë në ushtrimin e detyrës së saj të re.
