Arrestohet një person në Podujevë për një vepër të rëndë

Policia e Kosovës ka realizuar një urdhëresë aktive të gjykatës në kuadër të planit operativ “Realizimi i Urdhëresave të Gjykatës”, duke vënë në pranga një person të dënuar për vepër penale të rëndë.

Një person është arrestuar në Podujevë.

Sipas informatave që ka siguruar Sinjali, ndaj të njëjtit ka qenë aktive një urdhëresë e gjykatës, me të cilën ishte dënuar me tetë muaj burgim për veprën penale “Sulm Seksual”.

Pas arrestimit, i dënuari është dërguar në Qendrën e Paraburgimit në Hajvali – Prishtinë, ku do të vuajë dënimin e shqiptuar me vendim gjyqësor.