Nxënësit “shkatërrojnë” klasën në shkollë

Një incident ka ndodhur në Shkollën Fillore “Thimi Mitko”, ku disa nxënës u përfshinë në veprime të papërshtatshme brenda klasës, duke shkaktuar çrregullim dhe dëmtim të inventarit shkollor.

Ushtruesja e detyrës së zëvendësdrejtoreshës, Yllka Behluli, ka bërë të ditur për Radio Dukagjini se nxënësit janë identifikuar menjëherë dhe ndaj tyre janë marrë masa disiplinore, përfshirë uljen e notës së sjelljes dhe suspendimin me arsyetim.
Po ashtu, është mbajtur një mbledhje urgjente me prindërit.

Rasti është raportuar edhe në Drejtorinë Komunale të Arsimit dhe Komitetin e Policisë së Shkollës, ndërsa janë paralajmëruar takime të tjera me mësimdhënësit dhe kujdestarët e klasave VI–IX.