Kjo është gjendja e 40 vjeçarit që u plagos sonte

Personi i moshës rreth 40 vjeç i cili është plagosur sonte rreth orës 18:00 në rrugën Gjilan–Kamenicë, në afërsi të një pike të karburantit, është duke u operuar në Qendrën Klinike Universitare të Kosovës (QKUK).

Drejtori i Klinikës Emergjente të QKUK-së, Naser Syla, i cili tha se i plagosuri është futur në sallën e operacionit për operim.

“I plagosuri është në gjendje të rëndë por stabile. Ndodhet në sallë të operacionit, është duke u operuar nga ekipet kujdestare të Kirurgjisë Vaskulare dhe të Ortopedisë…Do ta vazhdoj trajtimin”, tha drejtori Syla për Express.

Lidhur me rastin për Gazetën Online Reporteri.net ka folur zëdhënësi i Policisë për rajonin e Gjilanit, Ismet Hashani

“Njësitet policore kanë dalë menjëherë në vendngjarje dhe gjatë ekzaminimeve janë gjetur prova materiale që lidhen me rastin. Sipas informacioneve fillestare, dyshohet se në ngjarje kanë qenë të përfshira dy automjete në lëvizje.”, tha ai për Gazetën Online Reporteri.net.