LAJMI I FUNDIT: Koci ndodhet në Beograd dhe është i rrezikuar

Avokati Arianit Koci ka bërë të ditur se aktualisht ndodhet në Beograd, ku sipas tij po angazhohet për lirimin e qytetarit të Kosovës, Mit’hat Llozhani.

Përmes një reagimi publik, Koci ka deklaruar se ka marrë informata se edhe vetë mund të jetë i rrezikuar gjatë qëndrimit të tij atje. Ai ka ftuar personat që, siç u shpreh, komentojnë dhe bëjnë shaka në rrjete sociale, që të shkojnë në Beograd dhe të përballen me situatën nga afër.

“Nuk jam i vetmi që duhet të kujdeset për qytetarin e Kosovës”, ka thënë Koci në reagimin e tij.

Ai gjithashtu ka theksuar se gjendja e Mit’hat Llozhanit nuk është e mirë, duke shtuar se sipas informatave që ka marrë, ai është vendosur në burg në mesin e personave që lidhen me grupin famëkeq të Arkanit.