Kosova nuk gjen qetësi, plagoset një person

Policia e Kosovës ka nisur hetimet lidhur me plagosjen që ndodhi mbrëmjen e sotme në fshatin Zhabar të Mitrovicës së Jugut.

Zëdhënësi i Policisë për rajonin e Mitrovicës, Avni Zahiti, ka bërë të ditur për Sinjalin se rreth orës 22:00 Policia ka pranuar informacion për të shtëna me armë zjarri në këtë fshat.

“Nga hetimet fillestare bëhet e ditur se një person i moshës madhore ka mbetur i plagosur nga arma e zjarrit. I njëjti është dërguar në spital për tretman mjekësor. Njësitet përkatëse policore janë duke zhvilluar hetimet,” tha Zahiti.

Policia ka njoftuar se hetimet për zbardhjen e plotë të ngjarjes vazhdojnë.