Përparim Rama ndez dritat festive të Ramazanit në Prishtinë

Kryetari i Prishtinës, Përparim Rama, ka njoftuar se sonte, bashkë me përfaqësuesit e Bashkësia Islame e Kosovës, është bërë ndezja e dritave dekoruese në Kryeqytet, në nder të muajit të shenjtë të Ramazanit.

Përmes një postimi, ai ka theksuar se ky muaj duhet të shërbejë si një mundësi për forcimin e lidhjeve mes qytetarëve, për të ndarë më shumë mirësi dhe për të kultivuar vlera që e bëjnë shoqërinë më të drejtë dhe më njerëzore.

“Sonte, bashkë me përfaqësuesit e Bashkësisë Islame, në nder të muajit të shenjtë të Ramazanit, ndezëm dritat dekoruese në Kryeqytet! Le të shërbejë ky muaj si një mundësi për të forcuar lidhjet mes nesh, për të ndarë më shumë mirësi dhe për të kultivuar vlera që e bëjnë shoqërinë tonë më të drejtë dhe më njerëzore. Ramazan të begatë për të gjithë”, ka shkruar Rama.

Dekorimet festive në kryeqytet pritet të qëndrojnë gjatë gjithë muajit të Ramazanit, duke krijuar një atmosferë simbolike dhe të veçantë për besimtarët dhe qytetarët.