Arrestohet personi që vodhi 75 euro

Një person është arrestuar pasi dyshohet se ka kryer një vjedhje në një hapësirë publike të qytetit.

Sipas informacioneve zyrtare, në rrugën “Rrust Kabashi” në Prizren, një shtetas i Shqipërisë është kapur në flagrancë në treg, pasi dyshohet se i ka vjedhur portofolin një qytetari. Në portofol ndodheshin dokumente personale dhe 75 euro para të gatshme.

Njësitet policore që kanë dalë në vendin e ngjarjes kanë arritur të gjejnë vetëm portofolin me dokumente, ndërsa paratë e gatshme nuk janë gjetur.

Me vendim të prokurorit, i dyshuari pas intervistimit është dërguar në mbajtje, ndërsa rasti po hetohet.