Transport ilegal i druve në Podujevë, ndalohet një person

Një rast i transportit ilegal të druve është evidentuar nga autoritetet, pas ndalimit të një automjeti që po qarkullonte me sasi të konsiderueshme mase drunore.

Sipas njoftimit zyrtar, është ndaluar një person me kamion në magjistralen Podujevë–Prishtinë, në të cilin ishin të ngarkuara 9.26 metra kub dru.

Drutë janë konfiskuar pasi nuk posedonin vulë pyjore dhe as dokumentacion përkatës për transport.

Masa drunore është dërguar në AKP në Podujevë, ndërsa personi dhe mjeti janë liruar në procedurë të rregullt. /PodujevaSot