Aksident me fatalitet, Policia jep detaje

Një ngjarje e rëndë ka tronditur opinionin, ku një person ka humbur jetën si pasojë e një aksidenti tragjik.

Sipas njoftimit të Policisë, në zonën e Kosovës B në Obiliq, i dyshuari mashkull kosovar dyshohet se nga pakujdesia, duke lëvizur mbrapa me kamion, ka goditur viktimën mashkull kosovar. Si pasojë e lëndimeve të marra, viktima ka ndërruar jetë në vendin e ngjarjes, ndërsa vdekja është konstatuar nga ekipi mjekësor.

Në vendin e ngjarjes kanë dalë njësitet relevante policore, të cilat kanë kryer ekzaminimet e nevojshme.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa i dyshuari është arrestuar dhe është dërguar në mbajtje. /PodujevaSot