Vjedhje në Podujevë, këto janë detajet

Një rast i rëndë i vjedhjes është raportuar në Podujevë, ku persona të panjohur kanë depërtuar me forcë në një shtëpi dhe kanë marrë sende me vlerë.

Sipas informacioneve, ankuesi mashkull kosovar ka njoftuar se hajnat kanë hyrë brenda pronës së tij duke thyer derën dhe kanë vjedhur tri armë zjarri, të cilat posedoheshin me leje të rregullt. Vlera e përgjithshme e armëve të raportuara si të vjedhura arrin rreth 2 mijë e 150 euro.

Rasti ka ngritur shqetësim për shkak të natyrës së sendeve të vjedhura, ndërsa autorët ende nuk janë identifikuar.

Me të marrë informacionin, është njoftuar prokurori kujdestar, i cili ka urdhëruar fillimin e hetimeve për zbardhjen e plotë të rastit dhe identifikimin e të dyshuarve. /PodujevaSot