Ky është vendimi që mori Qeveria për Podujevën

Qeveria e Kosovës ka mbajtur mbledhjen e 112-të me rradhë, ku janë miratuar disa propozime nga Ministritë.

Në këtë mbledhje, Kurti me ministrat e tij miratuan një shumë shtesë për më tepër se 5 milionë euro në kuadër të Pakos për Ringjallje Ekonomike, si dhe u ndanë mbi 2 milionë euro për blerjen e objektit të Ambasadës së Kosovës në Mbretërinë e Bashkuar.

Fermerët e 22 komunave do të kompensohen për fatkeqësitë natyrore me një buxhet prej dy milionë e tetëqind mijë euro, ndërsa ndihma do u ndahen edhe familjeve në nevojë dhe në disavantazh në stinën e dimrit.

Në po këtë mbledhje u miratua vendimi Preliminar për shpronësim për interes publik të pronave të paluajtshme shoqërore “Kooperativa Bujqësore Podujevë”.

Këto janë të nevojshme për realizimin e Projekteve Infrastrukturore në Komunën e Podujevës: Zonat Kadastrale: Obrançë dhe Surkish, Komuna e Podujevës.