Një person ofendon dhe kanos policët

Një incident me zyrtarët policorë është shënuar së fundmi, ku një person dyshohet se ka penguar dhe ofenduar punën e tyre gjatë kryerjes së detyrës zyrtare.

Sipas njoftimit të Policisë, rasti ka ndodhur në rrugën “Hasan Prishtina” në Kaçanik, ku një mashkull kosovar dyshohet se ka ofenduar dhe kanosur zyrtarët policorë gjatë ndërhyrjes së tyre.

Pas veprimeve të ndërmarra nga policia, i dyshuari është arrestuar dhe është shoqëruar në stacion policor për intervistim lidhur me rastin.

Me vendim të prokurorit, ndaj të dyshuarit është caktuar masa e ndalimit dhe ai është dërguar në mbajtje, ndërsa rasti po trajtohet nga organet kompetente. /PodujevaSot