Zhvillimet e fundit – AAK me një vendim të rëndësishëm
Partia e Ramush Haradinajt do të mbajë mbledhje të jashtëzakonshme me Këshillin Drejtues, pas zhvillimeve të fundit politike në vend.
Një ndër pikat kryesore të këtij takimi pritet të jetë pezullimi i zgjedhjeve të brendshme të partisë.
Lajmin për Insajderin e ka konfirmuar zëdhënësi i AAK-së, Kushtrim Xhemaili, i cili bëri të ditur se mbledhja do të mbahet sot.
“Një nga pikat kryesore është pezullimi i zgjedhjeve të brendshme të partisë në të gjitha nivelet e organizimit. Kjo pikë është në rend dite të mbledhjes së jashtëzakonshme të Këshillit të Përgjithshëm që do të mbahet sot në ora 16:00. Vendimi do të merret në Këshill”, tha Xhemaili për Insajderin.