Ekskluzive: Ky është i riu që u kap me marihuanë në oborrin e Gjimnazit

Një rast i posedimit të paautorizuar të narkotikëve është zbuluar mbrëmjen e 5 marsit 2026, rreth orës 20:30, në rrugën “Brahim Ademi”, në oborrin e gjimnazit “Kuvendi i Arbërit” në Ferizaj.

Sipas informacioneve nga strukturat e afërta me hetimin, gjatë një aktiviteti në terren, njësia për hetimin e trafikimit me narkotikë (DHTN) në Ferizaj ka ndaluar të dyshuarin Jon Idrizi, i cili dyshohej se posedonte substanca narkotike.

Gjatë kontrollit, hetuesit kanë vërejtur se i dyshuari ka hedhur diçka nga trupi, ndërsa në afërsi të tij është gjetur një gjysmë cigare e mbështjellë me substancë të dyshuar narkotike të llojit marihuanë, si dhe një sasi tjetër e dyshuar e marihuanës dhe një mulli (grinder) për bluarjen e saj.

I dyshuari është arrestuar dhe shoqëruar në stacionin policor në Ferizaj për procedura të mëtejshme.

Lidhur me rastin është konsultuar prokurorja kujdestare e Departamentit të Përgjithshëm, e cila ka urdhëruar që të hapet rasti për “Posedim të paautorizuar të narkotikëve” dhe i dyshuari të intervistohet.

Pas intervistimit, i dyshuari është liruar në procedurë të rregullt, ndërsa rasti do të procedohet në gjykatë.

Si prova materiale janë konfiskuar:

një gjysmë cigare me substancë të dyshuar narkotike marihuanë (0.41 gram)

një sasi tjetër e marihuanës me peshë 0.77 gram

një mulli (grinder) për bluarjen e marihuanës.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.