Aksident me fatalitet, humb jetën 39 vjeçarja shqiptare

Një aksident i rëndë rrugor ka ndodhur mëngjesin e sotëm në aksin “Levan–Tepelenë”, në qarkun e Fier, ku ka humbur jetën një grua 39-vjeçare.

Sipas policisë, rreth orës 07:20 automjeti tip “Kia”, i drejtuar nga shtetasja N.A., është përplasur me një automjet tip “Benz”, me drejtues shtetasin P.M. Si pasojë e përplasjes, 39-vjeçarja ka ndërruar jetë në vendngjarje.

Ndërkohë, drejtuesi i “Benz”-it dhe pasagjeri S.R. janë dërguar në spital për ndihmë mjekësore dhe ndodhen jashtë rrezikut për jetën.

Policia dhe grupi hetimor ndodhen në vendin e ngjarjes dhe po punojnë për zbardhjen e plotë të rrethanave të aksidentit.