Zhduket Alush Kastrati, kërkohet ndihmë

Familja e Alush Kastrati nga fshati Zatriq ka bërë apel publik për ndihmë pasi që nga dita e djeshme kanë humbur kontaktet me të.

Në njoftimin e bërë nga familjarët thuhet se bëhet fjalë për babanë e dëshmorit Mazllum Kastrati, për të cilin nuk dihet vendndodhja që nga dje.

“Të nderuar bashkëvendas dhe ju miq, kemi një lutje nga familja e Alush Vesel Kastratit, babait të dëshmorit Mazllum Kastrati. Me bacën Alush, nga dita e djeshme i kemi humbur kontaktet. Lusim gjithë ata që e njohin dhe nëse e kanë parë diku të na njoftojnë”, thuhet në apelin e familjes.

Familjarët u kanë bërë thirrje të gjithë qytetarëve që nëse kanë ndonjë informacion për vendndodhjen e tij, të kontaktojnë familjen dhe t’i ndihmojnë në gjetjen e tij.

Ata shprehen me shpresë që ai të jetë shëndosh e mirë dhe të rikthehet sa më shpejt pranë familjes.