Dhuna ndaj grave nuk ndalet: Tre raste të raportuara brenda 24 orëve

Tre raste të dhunës në familje janë raportuar brenda një periudhe të shkurtër kohore, duke ngritur shqetësim për përsëritjen e këtyre incidenteve në familje të ndryshme.

Dy prej rasteve kanë ndodhur në Fushë Kosovë, ndërsa një tjetër në Prishtinë. Në njërin rast në Fushë Kosovë, një mashkull kosovar është arrestuar pasi dyshohet se kishte ushtruar dhunë fizike ndaj një femre kosovare. Pas intervistimit, në konsultim me prokurorin, ai është liruar në procedurë të rregullt.

Ndërkohë, në një rast tjetër në Prishtinë, një femër kosovare ka raportuar se pas një mosmarrëveshjeje është sulmuar fizikisht nga një mashkull kosovar. I dyshuari është shoqëruar në stacion policor dhe pas intervistimit, me vendim të prokurorit, rasti është proceduar në procedurë të rregullt.

Rasti i tretë është shënuar sërish në Fushë Kosovë, ku një mashkull kosovar është arrestuar pasi dyshohet se nën ndikim të alkoolit kishte sulmuar fizikisht një femër kosovare. Viktima ka pranuar trajtim mjekësor, ndërsa i dyshuari pas intervistimit është dërguar në mbajtje me vendim të prokurorit. /PodujevaSot