Policia ndalon një person në Lupç të Podujevës, kjo është arsyeja

Një rast i transportimit të kundërligjshëm të druve është evidentuar nga Policia e Kosovës, ku një kamion i ngarkuar me masë drurore pa dokumentacion përkatës është ndaluar nga njësitë policore gjatë kontrollit në terren.

Rasti ka ndodhur në fshatin Lupç të Podujevë, ku policia ka ndaluar një kamion me targa vendore që drejtohej nga një mashkull kosovar. Gjatë kontrollit është konstatuar se kamioni ishte i ngarkuar me dru të përpunuara pa dokumentacionin e nevojshëm.

Masa drurore është inspektuar nga inspektorët e Agjencia e Pyjeve të Kosovës, të cilët kanë konstatuar se bëhet fjalë për rreth 20 metra kub dru.

Sipas autoriteteve, sasia e druve është sekuestruar nga Agjencia e Pyjeve, ndërsa me vendim të prokurorit është iniciuar rasti për procedura të mëtejme ligjore. /PodujevaSot