Vrasje në tentativë në Fushë Kosovë, ka të arrestuar
Shallow depth of field image taken of yellow law enforcement line with police car and lights in the background.
Një incident i rëndë ka ndodhur pas një mosmarrëveshjeje mes dy personave, ku situata ka eskaluar deri në përdorim të armës dhe përfundoi me të lënduar.
Rasti ka ndodhur në Fushë Kosovë, ku një i dyshuar mashkull kosovar fillimisht është përleshur fizikisht me viktimën mashkull kosovar, e më pas dyshohet se ka shtënë me armë në drejtim të tij. Si pasojë e përleshjes fizike, të dy personat kanë pësuar lëndime trupore.
I dyshuari, pasi ka marrë trajtim mjekësor, është liruar nga spitali, ndërsa viktima ka mbetur për trajtim të mëtejshëm mjekësor.
Në vendin e ngjarjes policia ka konfiskuar një armë zjarri (pistoletë me gaz), një karikator, 10 fishekë me gaz dhe 3 gëzhoja me gaz. Po ashtu, nga çanta e të dyshuarit janë gjetur dhe konfiskuar edhe 10 fishekë të tjerë me gaz.
Me vendim të prokurorit, i dyshuari është dërguar në mbajtje. /PodujevaSot