Vdes 18 vjeçari kosovar në një aksident në Itali
Një aksident dramatik i mori jetën një të riu me origjinë nga Kosova, mbrëmë në Caselle Torinese.
18-vjeçari B.H., u përplas në murin e objektit të një ish-fabrike përderisa ishte duke drejtuar një veturë të vogël, të tipit “Ford Ka”. Thuhet se vetura ishte pronë e babait të tij dhe se nuk kishte patentë shofer, raporton gazeta italiane, “Corriere Torino”.
I riu vdiq në vendin e ngjarjes.
Tre djem të tjerë, të moshave 16 deri 18-vjeçare, ishin duke udhëtuar me të.
Tre djemtë arritën të dilnin nga vetura dhe u dërguan në spital.
Trupi i pajetë i 18-vjeçarit mbeti i djegur në veturë./Indeksonline/
Për identitetin e të ndjerit do të ju informojmë me kohë.
