15-vjeçari godet këmbësorin me motoçikletë, dërgohet në gjendje të rëndë në spital
Si pasojë e mosrespektimit të rregullave në trafik, ndodhin një numër i madh i aksidenteve çdo ditë në vendin tonë.
Në shumë raste viktima janë edhe këmbësorët, të cilëve shpesh herë u rrezikohet edhe jeta, si pasojë e pakujdesisë së shoferëve gjatë vozitjes, raporton Gazeta Sinjali.
Një aksident i tillë ka ndodhur edhe të dielën në rrugën “Bardhyl Qaushi” në Gjakovë, ku një motoçikletë ka goditur një këmbësor i cili ka pësuar lëndime të rënda trupore.
Sinjali mëson se deri te aksidenti dyshohet të ketë ardhur kur shoferi i motoçikletës, i moshës së mitur, nga pakujdesia ka goditur këmbësorin, i cili ishte duke e kaluar rrugën në vendkalimin për këmbësor.
Për shkak të lëndimeve të marra, këmbësori është dërguar për tretman mjekësor në Qendrën Emergjente në Gjakovë, ku po trajtohet pasi ka pësuar frakturë në hundë.
Në vendin e ngjarjes kanë dalë edhe njësitet policore, teksa i dyshuari është dërguar nga familjarët në stacion policor.
Për këtë rast do të ju mbajmë të informuar.
