LAJMI I FUNDIT: Gjendet i vdekur një 37 vjeçar brenda një veture
Një 37 vjeçar është gjetur pa shenja jete në një veturë në Kaçanik.
Lajmi është konfirmuar edhe nga Policia e Kosovës.
Kanun Veseli nga Policia e Kosovës e ka konfirmuar lajmin për vdekjen e 37 vjeçarit.
Ai ka thënë që tashmë hetimet kanë filluar.
Më poshtë njoftimi i plotë nga Policia e Kosovës:
“Sot, rreth orës 16:25 policia e Kaçanikut ka pranuar një informacion se në rrugën “Vëllezërit Çaka” në Kaçanik, në një veturë dyshohet se një person Z.S., (M/K) i moshës 37 vjeçar dyshohet se është pa shenja jete.
Policia e rendit e më pas edhe policët hetues, menjëherë i kanë marrë veprimet e nevojshme, kanë dalë në vendin ngjarjes së bashku me një ekip të Emergjencës së Kaçanikut dhe nga mjeku kujdestar është konstatuar se viktima është pa shenja jete.
Policia ka siguruar perimetrin e vendit të ngjarjes dhe nën autorizim të prokurorit kujdestar nga Prokuroria Themelore në Ferizaj i ka nisur hetimet”, ka thënë Veseli.
