Haliti: Së shpejti do të ketë takime Kurti – Vuçiq

Nënkryetari i PDK-së, Xhavit Haliti ka thënë se shumë shpejt do të ketë takime mes kryeministrit të Kosovës, Albin Kurti dhe presidentit të Serbisë, Aleksandar Vuçiq në Bruksel.

Haliti ka thënë se atje do të fillojnë bisedimet me tema të mëdha.

“Kanë arrit në një pajtueshmëri që të vazhdojnë bisedimet. Po shpresoj që shumë shpejt do të ketë takime mes protagonistëve, kryeministrit të Kosovës dhe Vuçiqit në Bruksel dhe do të fillojnë bisedimet me tema të mëdha”, ka deklaruar ai në emisionin “Këndi i Debatit” në Tëvë1.

Sipas tij, tema kryesore duhet të jenë marrëveshjet e nënshkruara paraprakisht me Serbinë.

“Tema kryesore që unë besoj se duhet të jetë janë marrëveshjet e nënshkruara paraprakisht me Serbinë. Marrëveshjet të cilat të dyja palët kanë për obligim për t’i zbatuar”, tha Haliti. /Teve1.info/