Aksident trafiku mes 4 veturave, lëndohen 7 persona

Mesditën e sotme ka ndodhur një aksident trafiku në magjistralen Rahovec – Malishevë, përkatësisht në fshatin Zatriq, ku janë përfshirë katër automjete.

Si shkak i aksidentit janë lënduar 7 persona të cilët kanë marr trajtim mjekësor, raporton Gazeta Sinjali.

Zëdhënësi i Policisë së Gjakovës Sheremet Elezaj, ka thënë se rreth orës 11:50 në fshatin Zatriq (rruga Rahovec-Malishevë) ka ndodhur aksident trafiku.

Sipas tij në aksident janë përfshirë katër automjete. Për pasojë përveç dëmeve materiale shtatë persona kanë kërkuar ndihmë mjekësore.

“Rasti vazhdon të trajtohet nga Njësia Rajonale e Komunikacionit Rrugor”, tha Elezaj.