Caktohet varrimi i të riut llapjan që vdiq në aksident
Nata e ndërrimit të viteve që duhej të ishte gëzim për çdo familje u shndërrua në një tragjedi për familjen Jupolli.
Djali i tyre 28-vjeçar, i cili u godit pasditen e djeshme nga një veturë ne rrugën “Fahri Fazliu”, në orët e para të vitit 2023 ndërroi jetë.
Ky rast i rëndë ka tronditur familjen, kur në orët e mëngjesit morën lajmin se Arbnori ka vdekur, pasi s’ka arritur t’iu mbijetojë lëndimeve të rënda që pësoi nga goditja e veturës.
Kështu kanë bërë të ditur burimet e Sinjalit nga Emergjenca që njoftuan se i riu fillimisht ishte dërguar në këtë qendër për trajtim mjekësor, por përkundër intervenimeve, 28-vjeçari vdiq.
Nga spitali e kanë njoftuar Policinë për vdekjen e këmbësorit, me ç’rast i dyshuari që shkaktoi aksidentin është arrestuar dhe me vendim të prokurorit të shtetit i është caktuar masa e ndalimit, teksa trupi i pajetë është dërguar në IML për obduksion.
Varrimi i të ndjerit është caktuar të bëhet sot në ora 16:00, në varrezat e fshatit Shajkoc.
Ky është njoftimi i familjarëve:
