26 vjet nga vdekja e artistit llapjan Avdush Hasani
Sot janë bërë 26 vjet nga vdekja e artistit llapjan, Avdush Hasani. Ai u lind në vitin 1951 në Pakashticë të Podujevës.
Avdushi, apo Dushi siç e thërrisnin të gjithë, i arriti majat e artit dhe u përjetësua në artist me paraqitjet e tij prej aktori.
Me rolet e Samsonit, Mujë Kalecit, Danjolli i Sherkes, me Halilin e shumë personazhe që i ngjalli në skenë e film, gravoi me shkronja të arta emrin e tij prej artisti, ndikimi i të cilit në zhvillimin e artit teatror në nivel kombëtar mbetet emblematik.
Ai vdiq me 2 janar të vitit 1997 në Berlin të Gjermanisë.
Avdush Hasani mbetet mburrja artistike e llapjanëve dhe gjithë shqiptarëve.
Teatri i Podujevës e mban emrin e tij në shenjë falenderimi dhe përkujtimi për punën e bërë.
