Ky është personi që vdiq në aksident (FOTO)

Një person ka humbur jetën, ndërsa dy të tjerë kanë mbetur të lënduar si pasojë e një aksidenti të rëndë që ka ndodhur sot rreth orës 16:00.

Aksidenti ka ndodhur në autostradën ’Ibrahim Rugova’, saktësisht në Vërmicë, raporton Gazeta Sinjali.

Sinjali mëson se viktima është Sabahudin Sijariq, i cili ishte pjesë e stafit shëndetësor në Qendrën e Mjekësisë Familjare në Istog.

Rastin e ka konfirmuar edhe zëdhënësi i Policisë së Kosovës, Daut Hoxha.

Ai ka bërë me dije për Sinjalin se vdekjen e të ndjerit ka konstatuar mjeku në vendin e ngjarjes, teksa dy të lënduarit janë dërguar për trajtim mjekësor në Spitalin Rajonal në Prizren.