Një përballje e rëndë familjare është raportuar në fshatin Tërdec të Drenasit, ku një 78-vjeçar ka përjetuar kërcënim nga një i afërm i tij, që dyshohet se e kishte në dorë edhe një armë zjarri, raporton Gazeta Sinjali.

Burimet e Gazetës Sinjali bëjnë me dije se më 12 korrik 2025 rreth orës 17:45, viktima A.Xh ka raportuar se derisa ishte duke punuar në arën e tij, është kanosur për vdekje nga i dyshuari Avni Xheka, rreth 49-vjeçar i cili sipas tij mbante një armë zjarri në dorë.

Pas incidentit, i dyshuari është larguar nga vendi i ngjarjes, por më vonë, rreth orës 00:30 të datës 13 korrik, është paraqitur vetë në Stacionin Policor në Drenas, ku është intervistuar në prani të avokatit mbrojtës dhe një zyrtari të Qendrës për Punë Sociale.

Në konsultim me prokurorin kujdestar, ndaj tij është caktuar masa e ndalimit për 48 orë dhe është iniciuar rasti “Kanosje”. Hetimet për këtë rast po vazhdojnë.