Qytetarët e shohin të suksesshme fushatën për bojkotimin e produkteve serbe (VIDEO)

Fushata për bojkotimin e produkteve serbe po shihet si e suksesshme, pasi që interesimi për t’i blerë ato ka rënë. Qytetarët kërkojnë më shumë cilësi nga prodhimet vendore, teksa Aleanca Kosovare e Biznesit thotë se vendi nuk ka kapacitet t’i plotësojë nevojat e konsumatorëve.

Tash e sa ditë produkte të këtij lloji janë shitur më pak se herëve të kaluara.

Kjo për shkak se së fundmi është nisur një fushatë për bojkotimin e produkteve serbe.

Këto produkte, kryesisht ushqimore që importohen tashmë po zëvendësohen me ato vendore.

Iniciuesi i kësaj fushate, thotë për tëvë1 se janë të lumtur se kanë pasur sukses, teksa shton se qëllim kryesor kanë largimin e tyre krejtësisht nga tregu.

Nga Aleanca Kosovare e Biznesit thonë se në produkte të caktuara që importohen nga vende të ndryshme, Kosova nuk ka kapacitet t’i përmbushë nevojat e konsumatorëve.

Kryetari i kësaj Aleance thotë se prodhuesit vendorë duhet të kenë më shumë cilësi në produktet e tyre.

E kualitet më të lartë po kërkojnë edhe qytetarët të cilët thonë se i janë bashkëngjitur kësaj fushate.

Se ka rënie të importeve nga Serbia krahas viteve paraprake e ka bërë të ditur edhe Drejtori i Doganës së Kosovës, Agron Llugaliu.

Për shkak të interesimit të vogël të prodhimeve serbe, pronarët e marketeve kanë zgjedhur edhe mënyra tjera për t’i shitur ato.

Kronika e realizuar nga gazetari Lindrit Zejnullahu.