E tmerrshme: Bllokohet qëllimisht rruga me gurë

Në fshatin Sferkë të komunës së Klinës është vërejtur një bllokim i qëllimshëm i rrugës me gurë, pikërisht në një kthesë, duke paraqitur rrezik serioz për pjesëmarrësit në komunikacion.

Sipas informacioneve nga banorët, gurët janë vendosur në mes të rrugës, duke e vështirësuar qarkullimin e automjeteve dhe duke rritur ndjeshëm rrezikun për aksidente, veçanërisht gjatë orëve të natës kur dukshmëria është më e kufizuar.

Ky veprim i papërgjegjshëm mund të shkaktojë dëme materiale në vetura, por edhe pasoja për jetën dhe shëndetin e qytetarëve. Banorët kanë kërkuar reagim urgjent nga organet kompetente për largimin e pengesave dhe identifikimin e personave përgjegjës.

Apelohet tek institucionet përkatëse që të ndërmarrin masa të menjëhershme për të garantuar sigurinë në këtë segment rrugor dhe për të parandaluar incidente të mundshme.