Lladrovci kundër rikthimit të Fatmir Limajt në PDK: Unë e them JO

Kryetari i Drenasit, Ramiz Lladrovci, ka shkruar për zhvillimet e partive politike në Kosovës si dhe brenda Partisë Demokratike të Kosovës (PDK), për të larguarit, ardhjet e reja dhe ata që bëjnë kalkulime në llogari të interesave personal.

Ndërsa ka dalë kundër kthimit në PDK të atyre që në emër të ‘parimeve’ kanë ikur dhe tani po në emër të tyre e dëshirojnë kthimin dhe ‘bashkimin’. Sipas Lladrovcit në politikë duhet të ketë edhe moral edhe etikë edhe pse këto vlera janë të pakta në diskursin e sotëm politik.

Në një opinion të shkruara nga Lladrovci, ai flet edhe për daljet nga PDK, sipas tij në shumica e rasteve janë bërë për kalkulime e për protagonizëm, dhe assesi për parime siç deklarohen të tillët.

Ai thotë tuje se ata që janë larguar nga PDK, në emër të ‘parimeve’ po në emër të tyre tani dëshirojnë kthimin dhe ‘bashkimin’ po në emër të ‘parimeve’.

Lladrovci e thotë qartë se është kundër kthimit të atyre që i kanë sharë dhe fyer figurat historike të PDK’së, dhe jo vetëm të PDK’së, por edhe të Kosovës.

“Jo, unë e them JO, me plotë gojën, për njerëzit të cilët vetëm për parime s’u larguan nga PDK-ja, për ta nuk duhet të ketë vend PDK-ja, njerëz të cilët s’lanë fjalë të zezë pa thënë e pa bërë kundër PDK-së, për figurat e saj historike, historike jo vetëm për PDK-në por edhe për Kosovën, më së paku e kanë vendin në PDK. PDK-ja është parti e madhe, e vlerave të mëdha, e punëve të mëdha, në etapat më të rëndësishme të rrugëtimit tonë, nga çlirimi, proceset negociatore të cilat kulmuan me Shpalljen e pavarësisë, pastaj edhe etapa pas Pavarësisë. Arritje të cilat mbajnë vulën e Partisë Demokratike të Kosovës dhe të personaliteteve drejtuese të saj, z. Thaçi e z. Veseli. PDK-ja, ka lidership, ka kombinimin e mirë të traditës të gërshetuar me modernen, ka figura të jashtëzakonshme të cilët kudo ku kanë qenë dhe çfarëdo përgjegjësie (të rëndësishme) që kanë pasur, kanë shkëlqyer”, ka thënë ndër të tjera Lladrovci.

Lladroci ka thumbuar ata që prodhojnë lajme sipas tij koti kinse për bashkim, dhe se të tillëve iu ka kaluar koha dhe se s’kanë çfarë të japin. Dhe se PDK duhet të ecën përpara me të reja dhe të rinj që shef e kanë ligjin.

“Disa që po prodhojnë lajme koti, nuk po e kuptojnë se ju ka kaluar koha, janë të skaduar dhe nuk kanë çfarë të prodhojnë të re në politikë. Janë e kaluara e PDK-së. Pres që PDK-ja të ecën përpara me të reja dhe të rinj që shef e kanë ligjin, praktikat më të mira qeverisëse me vlerat euro-atlantike”, ka shkruar Lladrovci  tutje.