Driton Hyseni betohet si deputet i Kuvendit të Kosovës

Deputeti i Kuvendit të Kosovës, Driton Hyseni, ka bërë të ditur se për herë të tretë është betuar si deputet, duke theksuar përkushtimin e tij për të punuar në shërbim të vendit dhe qytetarëve.

Përmes një postimi publik, Hyseni ka deklaruar se do të japë maksimumin e tij për të mirën e Kosovës dhe të kombit shqiptar, duke e konsideruar këtë përgjegjësi si obligim ndaj qytetarëve dhe shtetit.

Ai gjithashtu ka theksuar se, si ish-ushtar i Ushtrisë Çlirimtare të Kosovës, nuk do ta harrojë kurrë idealin për të cilin, sipas tij, dhanë jetën Adem Jashari, Zahir Pajaziti dhe shumë heronj të tjerë të lirisë.

Në fund të postimit, Hyseni ka shprehur mirënjohje për mbështetjen e marrë, duke falënderuar qytetarët “nga zemra”.