Grabisin veturën diku tjetër, hajnat përfundojnë në rrethojat e Kanal10 (Video)

Tre persona të dyshuar pasi kishin ndaluar në rrugë një qytetar në rrugën “Hazir Haxholli”, në Shkabaj të Prishtinës, të hënën rreth orës 19:30 nën kërcënimin e armës i kanë marrë atij veturën personale, para të gatshme dhe një telefon celular.

Pas grabitjes së qytetarit, të dyshuarit pasi janë larguar nga vendi i ngjarjes, të dyshuarit kanë aksidentuar rrethojën e kompanisë së televizionit Kanal10me veturën e grabitur, dhe më pas e kanë braktisur atë, raporton Gazeta10.

Për këtë rast, ka raportuar të martën edhe Policia e Kosovës.

“Pas kryerjes së veprës të dyshuarit me veturën e viktimës kanë ikur nga vendi i ngjarjes duke u aksidentuar në rrethojën e një kompanie private ku e kanë braktisur veturën”, thuhet mes tjerash në raport.

Policia ka thënë po ashtu, se ky rast është nën hetime nga njësitë relevante.

“Rr. Hazir Haxholli, Prishtinë, 16.01.2023 – 19:36. Ankuesi kosovar ka njoftuar policinë se është ndaluar në rrugë nga tre persona të dyshuar të panjohur dhe në kërcënimin e armës i kanë marrë makinën, para të gatshme dhe një telefon celular. Pas kryerjes së veprës të dyshuarit me veturën e viktimës kanë ikur nga vendi i ngjarjes duke u aksidentuar në rrethojën e një kompanie private ku e kanë braktisur veturën. Rasti nën hetime nga njësitë relevante”, thuhet në raportin e Policisë së Kosovës. /Gazeta10