VV-ja i publikoi foton në videon “Çka ka, çka s’ka”, Tahiri paralajmëron padi

Shefi i grupit parlamentar të AAK-së, Besnik Tahiri, ka paralajmëruar padi ndaj Lëvizjes Vetëvendosje e cila në videon e publikuar “Çka ka çka s’ka”, ka publikuar fotografinë e tij si person që ka bërë keqpërdorime.

Tahiri në Kuvendin e Kosovës ka shtruar pyetje se ku e ka marrë guximin ai që e kanë bërë këtë video për vendosjen e fotografisë së tij,shkruan teve1.info.

Ai ka thënë se asnjë keqpërdorim nuk e ka bërë nga funksionet publike që ka pasur.

“Nuk mundem me kuptu ku e merr guximin ai njeri që e ka ba atë video me vendos fotografinë time në një video inkriminuese dhe më fye. Kurrë në jetë sa kam qenë në funksion publik se kam keqpërdor.

Le të del Vetëvendosje veç një element që të thotë se kam keqpërdor.

Gjema një njeri që e kam shti në punë, gjema një keqpërdorim. Unë kërkoj nga VV me ma largu fotografinë, ndryshe do ti përdori të gjithë mekanizmat ligjor.

Do të ballafaqoheni në gjykatë, ka thënë Tahiri.