Reagon kryetari i Podujevës për vërshimet

Kryetari i Podujevës, Shpejtim Bulliqi ka reaguar për vërshimet e ditës së sotme.

Këto vërshime bllokuan qarkullimin e disa rrugëve, por gjithashtu krijuan dëme në Kërpimeh, Bajqinë, Pakashticë e vende të tjera.

Për vërshimet ka reaguar edhe kryetari Bulliqi me anë të një postimi.

Më poshtë postimi i tij:

Reshjet e dendura të shiut gjatë ditëve të fundit kanë bërë që disa zona në Komunën e Podujevës të përballen me vërshime. Si institucione lokale që nga mëngjesi jemi në teren duke intervenuar në zonat më të prekuara, ku momentalisht kemi 4 ekipe të të cilat janë duke intervenuar në këto zona.

Zonat më të prekuara janë; Pakashticë, Kërpimeh, Letanc, Peran dhe Obrançë, po ashtu edhe disa rrugë janë përshkuar nga uji duke vështirësuar qarkullimin në komunikacion. Situata është e menaxhueshme, por me tendencë të përkeqësimit për shkak të reshjeve të pandërprera të shiut.

Apeloj tek të gjithë qytetarët të bashkëpunojnë me ekipet emergjente institucionale, në mënyrë që përmes koordinimit të përbashkët të tejkalohet sa më shpejtë kjo situatë.