Tri ura në Llaushë jashtë funksionit, shkak vërshimet

Tri ura në fshatin Llaushë të Skenderajt janë jashtë funksionit pasi kanë pësuar dëmtime të rënda mas vërshimeve ditët e fundit.

Kështu ka bërë të ditur kryetari i kësaj komune, Fadil Nura, përcjell teve1.info

Siç bën të ditur ai, dëmet në infrastrukturë janë disa milionëshe.

“Tri ura në fshatin Llaushë, të dëmtuara rëndë, janë tërësisht jashtë funksionit. Ekipet me mjete të rënda janë duke u munduar të krijojnë alternativa për qarkullimin e qytetarëve”, ka shkruar ai në Facebook.

Pas reshjeve të mëdha të shiut, disa komuna të Kosovës janë përballur më vërshime. Deri tani, Skenderaj dhe Mitrovica kanë shpallur gjendje emergjente. /Teve1.info/