Ndahet nga jeta pjesëtari i Policisë së Kosovës, ishte veteran i UÇK-së

Pas një sëmundje të rëndë është ndarë sot nga jeta rreshteri në Drejtorinë e Hetimeve të Krimeve Ekonomike në Prizren, Latif Daka, raporton Gazeta Sinjali.

Lajmi u bë i ditur përmes njoftimeve në rrjete sociale.

Ndër të tjera thuhet se varrimi i të ndjerit do të bëhet nesër (e mërkurë) në orën 14:00.

Varrimi bëhet në fshatin e lindjes, Vërshecë, komuna e Suharekës.

Daka po ashtu ishte ish-pjesëtar i Ushtrisë Çlirimtare të Kosovës.