Mijëra euro u mbledhën për 3 orë për familjet që pësuan nga vërshimet

Rreth 500 mijë euro janë grumbulluar në mbrëmjen humanitare ‘’Bashkë ia dalim’’, organizim tre orësh ky i cili u transmetua në Klan Kosova.

Gjysmë milioni mjete, do t’iu dedikohen familjeve që pësuan rëndë nga përmbytjet si pasojë e reshjeve të shumta atmosferike që ndodhën kohës së fundit në mbarë Kosovën.

Donacionet u dhuruan nga telefonatat e qytetarëve dhe bizneseve të cilët drejtpërdrejtë u realizuan gjatë transmetimit në televizion.