Aksion i inspektimit në tregun e gjelbër dhe të kafshëve në Podujevë

Drejtoria e Inspeksionit në Podujevë sot gjatë ditës ka zhvilluar një aksion të inspektimit në tregun e gjelbër dhe në tregun e kafshëve.

Për këtë kanë njoftuar nga Komuna e Podujevës me anë të një postimi në faqen zyrtare.

Më poshtë postimi:

Drejtoria e Inspeksionit me asistim edhe të Policisë së Kosovës sot në orët e hershme të mëngjesit ka zhvilluar një aksion duke inspektuar tregun e gjelber dhe tregun e kafshëve që operojnë në Komunën e Podujevës.

Gjatë kontrolleve janë evidentuar parregullsi të ndryshme në këto tregje, për të cilat Drejtoria e Inspeksionit do të merret seriozisht në eliminimin e tyre.

Drejtoria e Inspeksionit ka për qëllim vendosjen e rendit dhe rregullit në këto ambiente, i cili për shkak të mënyrës se si funksionon aktualisht, krijon bllokada në hapësira publike, si dhe në aspektin ambiental grumbullohen mbeturina, të cilat edhe po e rrezikojnë shëndetin e qytetarëve.

Pjesë e këtij aksioni ishte edhe drejtoresha, Florentina Osmani.