Arrestohen dy persona në Podujevë

Gazeta Sinjali në vazhdimësi ka raportuar për arrestimin e personave të dënuar nga Gjykatat në vend për vepra të ndryshme penale, por që të cilët arrijnë të ikin nga duart e drejtësisë. Vetëm dje dhe sot janë arrestuar edhe disa të kërkuar nga Policia e Gjykatat.

Pas një kohe në arrati, i dyshuari që kërkohej për veprën penale “Ngacmim” ka rënë dje në prangat e Policisë. Ai po kërkohej nga Drejtoria Rajonale në Pejë që një kohë, por u kap nga një njësi policore në Podujevë, të shtunën në mbrëmje, raporton Gazeta Sinjali.

Burimet nga Prokuroria kanë bërë me dije se bëhet fjalë për R.S., 23-vjeçar, i cili ishte shpallur në kërkim që një kohë, por kishte arritur t’i shpëtojë arrestimit, duke qëndruar në arrati.

I njëjti është ndaluar derisa policia po patrullonte, ku pas verifikimit rezultoi se ishin person i kërkuar. Ndaj tij, pas shoqërimit në stacion policor, është lëshuar urdhër për ndalim prej 48 orësh.

Në Podujevë është arrestuar edhe një person tjetër që po kërkohej me urdhëresë të lëshuar nga Gjykata Themelore në Prishtinë, pasi ishte dënuar për veprën “Vjedhje e Shërbimeve”. Pas arrestimit, 53-vjeçari që u kap u dërgua në njërën nga qendrat korrektese për ta vuajtur dënimin.